.

.

شوية سكر

Tuesday, November 26, 2013

  
على إستحياء يأتي إلينا أحيانا، وكأنه يشعر ويعلم أنه قد جائنا في توقيت غير مناسب،في ظرف صعب، لذلك ترانا لانرحب به كما يليق به وكما ينبغي أن يكون، نعم ننتظره دائماً متلهفين متشوقين له متخيلين روعة مجيئه، ولكن كان ذلك في وقت سابق، وقت أن كنا مستعدين له، مستعدين لهذا الفعل، فعل الفرح، وعِلة ذلك أن لسبب ما في جزء معين من الزمن في حياتنا يدفع الحزن بكل قوته بابنا ليسكن معناً وقتاً من الزمن لانعرف مقداره، ثم لسبب أخر في حياتنا يأتينا الفرح، يعبر عتبة بابنا على إستحياء، ولكنه  يأتي إلينا في نفس توقيت إقامة الحزن الجبرية معنا، وهي مفارقة غريبة وصعبة على الإنسان إجتماع الفرح والحزن داخله في آن واحد، مما يجعلنا في حالة مربكة نفسياً وعاطفياً وإنسانيا وجسدياً، تشعر وقتها ان شفاهك على وشك أن تبتسم ولكنها تتراجع في أخر لحظة فتبتلع ابتسامتك، تزرف عينك دمعة ولكنها دمعة محيرة هل هي دمعة فرح أم دمعة حزن أم الإثنان معاً، حالة غريبة، عايزين نفرح بس مش قادرين، الحزن ساكن جوانا ومرحرح وقد إحتل منا مساحة كبيرة ولم يترك لنقيضة وغريمه الوافد الجديد ( الفرح ) إلا مساحة ضئيلة، عشان كده بيبقىَ الفرح جوانا مخنوق، بنبقىَ مش قادرين نفرح قوي، مش حاسين بطعم الفرح، طعم الفرح متغير، طعم الفرح فيه حاجه ناقصة،  والسبب أيه.. ؟ السبب إن حالة الحزن اللي جوانا وحوالينا خلت الفرح جاي ناقص شوية سكر












حسن أرابيسك

19 دورك في الفضفضة:

يا مراكبي said...

أيوه والله يابوعلي هو ده اللي بيحصل فعلاً

من كُتر الهم وطول المشاكل والحُزن بتلاقي لما بتيجي الفرحة بيبقى خلاص عدَّى وقتها، وتلاقي نفسك بتقول: انتي لسه فاكرة؟ بعد ايه بقى

الحاجة اللي مش بتيجي في وقتها المُناسب مش بيبقى ليها طعم خلاص

Carol said...

و لما نضحك شوية نقول " خير، اللهم اجعله خير" بنخاف نفرح بنخاف حد يسرق مننا الفرحه فبنخبيها جوانا
بس ماتنكرش ساعات الفرح بيسرقنا من الأيام، ساعه تحس انك خفيف و طاير و عايز تضحك في وش الناس
وقتها امسك في الفرحه و اكتبها و صورها و ارسمها

كيــــــــــــارا said...

ازيك يا صديق التدوين القديم
ربنا يكرمك علي سؤالك يارب


كيــــــــــــارا said...

آآآآه ولمست مابداخلنا من انين اخترق حواجز السنين

ربنا يفرحنا فرحة لاتنسي

جنّي said...

السلام عليكم

كيف حالك يا فنان
لعلك بخير

اللهم املئنا بالفرح وأذهب عنا الحزن

جنّي said...



بالمرة اسلم على الاخت كيارا

صديقة التدوين القديمة

لعلك بخير اختنا كيارا

كيــــــــــــارا said...

والله اول ما جالى الكومنت بتاعك علي الميل جايه جري اسلم عليك لقيتك بتسلم عليا

انا تمام اخبار حضرتك ايه ؟

Carol said...

شكرا على الخلفية الموسيقية التي تضعها في مدونتك :)

حسن ارابيسك said...

مراكبي
صديق التدوين الرائع
بالضبط كده أو ساعات زي ما تيجي مناسبة مفرحة لابد منها لكن في وجود مناسبة أخرى محزنة..هكذا
ودايماً منورني
تحياتي




الرائعة كارول
صحيح حتى الضحك بنخاف منه لو زودها شوية معانا
أشكرك من كل قلبي على مشاركتك الجميلة
وأشكرك على إطراءك على خلفية المدونة وهي أول خلفية موسيقية ابتديت بيها المدونة
تحياتي


كيارا..الرقيقة
ياااه فينك
وحشانا تعليقاتك الجميلة يارب دايما تسعدينا بزياراتك وتواصلك الجميل
تحياتي

جني
الأخ والصديق الطيب
يااااه وحشني من زمان
وأنا الحمد لله وأشكر لك دعاءك الجميل ربنا مايحرمناش من زياراتك أبداً
تحياتي



ذو النون المصري said...

هنا شفت ناس كتير حبيتهم
و وحشوني جدا
اسماء لا اعرف اصحابها لكن قريت لهم كثير
تسعدني دائما زيارتك لي و افرح جدا لما ازورك
فرح في وسط احزان غالبة عليه
تحياتي لك

حسن ارابيسك said...

ذو النون المصري
صديق التدوين صاحب الحس والذوق الجميل في كل ما تنشره لنا في مدونتك الرائعة وانتقاءك الرائع للوحات كبار التشكيليين العالميين
أشكر لك زيارتك الكريمة
تحياتي

P A S H A said...

كل سنة وحضرتك طيب وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليك وعلى أسرتك الكريمة وتحقق فيه كل ما تتمنى
:)

أطيب تحياتي

حسن ارابيسك said...

pasha

كل عام وأنت بخير
وسعيد بزيارتك الأولى
أشكرك من كل قلبي على تهنئتك الجميلة
تحياتي

حواء said...

حسن ... اما يجي لك الفرح افرح حتى لو لثواني وأما عينيك تحب تبكي ابكي يمكن تغسل قلبك مالحزن ومش مهم الفرح يجي وقت الحزن المهم انه يجي ... تحياتي

حسن ارابيسك said...

حـــواء
صديقتي العزيزة
على رأي منير الحب له صاحب والفرح له صاحب والجرح له صاحب وأنا عالوعد متصاحب
أشكرك صديقتي الجميلة
على مرورك الجميل

ashtar 28 said...

كل ما اذخل المدونة بيزداد حزني ، واتًسأل هل جئت في وقت غير مناسب ، حتي مناجاتي لحسن ارابيسك لم تجدي نفعاً ، بحكم انه دوري في الفضفضة ورغم ان اعلم جيدا انك لن تهتم بفتح مدونتك او لعلك انتقلت لعالم أفضل ، لا اعرف ! ولكن الحقيقة الوحيدة ان الحزن رفيق وحدتي الدائم المستبد ..........

إيمان قنديل said...

بكتني

حسن ارابيسك said...

العزيزة/ عشتار
أعتذر عن التأخير في الرد ولكنه أصبح حال المدونات
ثانياً أعتز بحضورك تعلمين ذلك وأن شاء الله قريباً سأعود نشاطي التدويني مع مشاركتي مع كل من أعتز بهم
وبالتأكيد سأزورك
تحياتي

حسن ارابيسك said...

العزيزة/ إيمان قنديل
صديقة التدوين والعشرة القديمة الجميلة أشكر زيارتك وودك الجميل
تحياتي