.

.

شفاهي

Monday, December 10, 2007


حبيبتي حينما تُقبلك شفاهي
فهي
لا تعرف الإنحياز
ولا تعرف التقيد
ولا تعرف الإكتفاء
ولا تعرف التأجيل

حبيبتي حينما تُقبلك شفاهي
لاتعرف التقيد بمكان واحد
فهي تعشق كل الأمكنة على هذا الجسد
لافرق بين مدينة وقرية
تتنقل بين حاراته وأزقته
تلتصق بجدرانه وتبتعد لتلتصق من جديد

حبيبتي حينما تُقبلك شفاهي
لاتعرف الإكتفاء بنكهة واحدة
فلكل موطئ نكهة مختلفة على هذا الجسد
وأريج يتصاعد من فوهات مسامه
يُشعل شهوتها وثورتها
فتطالب باستقلالها وانفرادها به

حبيبتي حينما تُقبلك شفاهي
لاتعرف بوصلتها الإنحياز لجهة دون الأخرى
تنطلق في الإتجاهات الأربع لهذا الجسد
تحفظ عن ظهر قلب كل تضاريسة البكر
تتعامل معه كجيولوجي محنك
تارة تصعد مع هضابه وتارة تهبط مع وديانه

حبيبتي حينما تُقبلك شفاهي
لاتعرف التأجيل إلى الغد وانتظاره
تتسابق مع الزمن بقبلاتها على هذا الجسد
فتلتهم شبابه وعنفوانه وصباه
قبل أن يلتهمه الزمن ويذبل
وقبل أن يوارى في التراب ويندثر

حسن أرابيسك

51 دورك في الفضفضة:

اسكندراني اوي said...

ابو علي يا ارابيسك فينك من زمااان يا راجل

عوده قويه
بس جريئه حبتيين
صح ؟؟؟؟

princess dodo said...

قُبله من الحبيب
انصهار
وذوبان

ولحظة انفصال
عن الواقع

.
.

كلمات رائعة

..

أشكر لك سؤالك واهتمامك
لكنى مشغولة بمدونتى الاخرى
أتمنى زيارتك
http://red-tulip-field.blogspot.com/

.
.

تحياتى لك

كاميليا said...

مش عارفه اقول ايه؟

بوست يخض

بس جميل اوى

لك تحياتى واحترامى
انا اضفتك لمدونتى علشان تنورها

كاميليا

teba said...

حسن ارابيسك
بحب طريقتك فى التعبير عن التفاصيل
اللى مبتكنش صغيرة لما بتكتبها
و بحب اكتر التعبير عن المشاعر من غير حدود ولا قوانين...لانها الحاجة الوحيدة
اللى فاضلة فى حياتنا حرة


تحياتى

دنــــيــــــا مـحـيـرانـي said...

ايه يا ابو علي انا كنت هاعتب بس تعرف انت اتكلمت عن شيء محظور بطريقه مختلفه خبيت انكسافي بين السطور انت تقصد حبيبتك و لا الحياه عامة مش عارفه انا حسيت انك بتخاطب الحياه قوة الحياه الاي فينا
بذات في الجزء الاي بتقول
قبل أن يلتهمه الزمن ويذبل)
(وقبل أن يوارى في التراب ويندثر
انت لخصت الحياه فينا في الجملتين دول
اما لازم نسابق الزمن و ناخد من الحياه احلها قبيل الحياه متنثر بس طبعا بطريقه صح ايوه صح مش غلط
مش عارفه اقول ايه انت جريء اوي و فينفس الوقت محافظ في اغلب الكلمات
حيرتني معك بس هو ده الاي حسيته في كلامك ممكن اكون غلط و ممكن اكون صح
ياريت تقولما انت تقصد ايه بظبط
تحياتي يا محيراني

walaa said...

حسن كم انت رائع حقا فى تعبيرك اهنيك على هذا الاسلوب
بس انت بتتكلم على مصر وجاعلها فى صورة حبيبه لك صح

او بتتكلم عن حبيبتك فعلا وجسادها بالنسبه لك هو موطنك وحياتك وفرحتك
وكم انت جرء فعلا من غير زعل
انا اقصد الجراه فى تعبير الكلمات

مروة الزارع said...

رائع جدا

كلمات رائعة بجد

الله عليك

كراكيب نـهـى مـحمود said...

جميل اوي

حسن ارابيسك said...

اسكندراني
ايه يا ابو اسكندر انت مفيش غير الاسطوانه دي في كل بوست الظاهر انت بتنسى انت كتبتهالي مرتن مره في بوست واحد والظاهر انك كنت نسيت انك علقت من قبل فقلت نس الجملة
بس واللهي انت اجمل اسكندراني منورني


princess dodo
شكرا لحضورك المنقط ورنا يوفقك في مدونتك الأخرى بس انا لي رأي هو ان مفيش داعي للتشتيت ضمي اعمالك في مدونة واحدة عشان خاطر المدونين ... تحياتي



كاميليا
بصراحة مش عارف ايه بس اللي يخض مفيش اي شئ يخض على الاطلاق ومتكشر قوي من قلبي على اضافة رابط مدونتي لدى مدونتك الرائعة


teba
لديكي قوة ملاحظة قوية ماشاء االله
ومعك في جملتك الأخيرة المعبرة عن فلسفة عميقة.سعيد باستمرارك في التواصل



دنــــيــــــا مـحـيـرانـي
وايه المانع يكون الأثنان معا أو يكون إحداهن مرادف للثانية
فلنعتبر ان حبيبتي هي الحياة
وان الحياة هي حبيبتي
وأنا لو أقصد جسد حبيبتي وأعشقه الي هذا الحد فما المانع لماذا لا أحبه وأعشقه ..فهو جسد حبيبتي لذلك أحببته لأنه لها
فجسد الحبيبة والحياة كلاهما مصيرة الزوال والعدم وكلاهما له بداية وله نهايه
كلاهما يخضع لناموس الوجود من حياة وعدم
أحببت تساؤلاتك وكالعادة نورتيني


walaa
مرسي على ذوقك ومجاملتك الرقيقة
وبالنسبة لموضوع مصر ولا مش مصر ، وأنا احيانا أرى ان القصيدة ممكن تماثل اللوحة حينما تُرى من قبل المتذوقين للفن تجدي ان كل منهم يراها بطريقته وكل يترجم خطوطها والوانها حسبما تراها تركيبته وثقافته
وبالنسبة لجسد الحبيبة فما المانع ايضا فجسد المرأة بطبيعته يحمل الكثير من الجمال وكل جسد إمرأة له نكهته الخاصة واذا عشقت جسد حبيبتي فهذا من حقي ومن حقها هي أيضا علي أن أعشق جسدها ولكنه عشق تابع ونابع لحبي لها
وذا احببت مصر فجسدها هو خريطتها التي تحمل الكثير من السحر يجذبني اليها
فلها من الجهاد من أجل عدم المساس بخريطتها وترابها
كذلك حبيبتي لها مني الجهاد للحفاظ على قدسية هذا الجسد
واللهي سعيد بتعمقك حينما طالعتي قصيدتي المتواضعة تحياتي



مروة الزارع
الله عليكي انتي وعلى ذوقك الجميل


كراكيب نـهـى مـحمود
متشكر جداً على مجاملتك
رغم اني بموت لما كاتبة متعمقة زيك
تكون من أهل المجاملات ... دون النقد الصريح في كل الأحوال
جميل قوي

bocycat said...

حبيبتي حينما تُقبلك شفاهي
لاتعرف التأجيل إلى الغد وانتظاره
تتسابق مع الزمن بقبلاتها على هذا الجسد
فتلتهم شبابه وعنفوانه وصباه
قبل أن يلتهمه الزمن ويذبل
ايه الكلام ده يا ارابيسك ... كلام عاشق متيم ... بجد مفيش تعليق انت دارس الخريطة كلها .. احييك جدا

ياسر حسين said...

كلمات معبرة عن إحساس عميق
في انتظار المزيد من الموضوعات القوية
سعيد لاكتشاف مدونتك الفنية
خالص تحياتي

MAKSOFA said...

بصراحه قصيده جريئه وقويه ومع ذلك ناعمه قوي قوي

السيد شبل said...

فى اول مرة سيكون بكرا ثن تنفض بكارته..


هذه زيارتى الاولى لمدونتك
مدونة رائعه وتمنياتى بالتوفيق

عمر بوك ستورز said...

كل ما تقرؤه تحت سقف واحـد

بجد بجد ... زرورنـا تجدون ما يسركم
قائمة كبيرة من شتى الكتب وبأسعار لا تقبل المنافسـة
أقل الأسـعار

بين أيديكم

حسن ارابيسك said...

bocycat

حاجه كده على قد الحال
وبخصوص الخريطة أنا عندي أطلس بتاع زمان وبالتالي فلا يوجد ما يُخفى علي على وجه البسيطة كلها شكرا للمتابعة


ياسر حسين
سعدت بتكرار زيارتك
وقمت بزيارة لمدونتك الفنية وسعدت بأفكارها وكان لي الشرف في اضافة الرابط لدي..شكرا


MAKSOFA
منوراني يا ست الكل
ايه حكايه الجراءة اللي الناس كلها بتتكلم فيها دي هو أنا دخلت عرين الأسد ولا ايه
تسلم الخطاوي يا ست الكل



السيد شبل
نورت الاشتراكيه والقومية والليبرالية والبوليتارية وكل الحاجات الكبيرة دي اللي منوره مدونتك المحترمة
نورتني


عمر بوك ستورز
لك كل التوفيق من قلبي في مشروعك الثقافي والتخفيضات اللي بتعملها لكل محبي الكتاب وبعتلك كمان ياعم استفسار عن كتاب تجليات للأديب جمال الغيطاني
شكراً

كراكيب عادل said...

اية الطمع دة كلة يا ابو علي


كلمات معبرة علي فكرة

كل سنة وانت طيب يا ابو علي

العيد بعد يومين

وانا اهو اول واحد من البلوجرية يقولك كل سنة وانت طيب

:)

توتة توتة said...

و انت طيب

أبو أمل said...

كل سنة وانت طيب

تدوينة رائعة

كلمات غاية فى الإبداع
كأنك تعزف على ابصارنا بمقطوعتك الشعرية

whyme said...

جميله يا صاحبى و مليئه بالاحساس فعلاً احساس لا يعلمه غير من ذاق طعم الحب


احييك يا صديقى

whyme said...

و نسيت اقولك ان كمان الصوره دمها خفيف جداً زى العسل

askurself said...

2wln 27b 23rfk benfsy 2na 2smy askurself, mwlod geded fe 3lt 2lmdwnen 3mro 1 3am, klam gamil 2wy begd w te7s 2no nab3 mn 2lb beyb begd w 2hm 7aga 2lfadfda, de n3ma gamila 2n 2lwa7d y3rf yfdfd zy bezbt n3mt 2lboka2 bardo n3ma betry7 sa7bha 2wy 2lmohm 2nk t3rf tefdfd w t3rf tebky,
Thnx,

Searcher said...

مش عارف ليه لما قريت البوست ده حسيت إنه وراه شوية إسقاطات مش رومانسية و بس يعنى
:)
تحياتى

Carol said...

حسن شكرا على سؤالك علي طوال الفترة الماضية
أما كلماتك فهي كالفراشة التي تتنقل بين زهرة و زهرة
تجعلني أتأمل معانيها و صورها الرائعة
فأنت تعلمت أن ترسم الكلمات و المعاني و هذا ما يميز أعمالك

عاليا حليم said...

اذا كنت تقصد الحياة فجميل جدا بس مش هو ده بس الحب

أذا كنت تقصد حبيبة فعلى رأى عبد الوهاب : عشق الروح ما لوش اخر لكن عشق الجسد فانى

بلاش النظر للمراة ينحصر فى النقطة دى

كل سنة و انت طيب :)

مروة الزارع said...

اولا تصميم المدونة جامد موت وهيجننى

لا مش حقد متخفش

كلمات رائعة جدا

منتهى الاحساس الدافئ

تحيااااااااااتى

حسن ارابيسك said...

كراكيب عادل
انه ليس بطمه ولكن
إن كان لك فهو لك
كل سنة وانت طيب وكراكيبك مكركبة كركبة متكركبة كراكيبو



توتة توتة
وانتي بالصحة والسلامة


أبو أمل
شاعر النيل شاعر المواويل
ماشاء الله رجلك خدت على المطرح
تُبدر كلامك حروفه تطرح
تخش جوه القلب جوه الصدر تشرح
مانتحرمش من سؤالك


whyme
ياجماع كتير قوي الكلام ده الموضوع مش مستاهل انا بعمل زي ما بيقولوا حط العرجه على المكسورة يعني تخابيط واحنا بقا وبختنا
على فكرة زرت مدونتك قرأتها أول عن أخر وان شاء الله لابد من اضافة الرابط لدي حتى لا يفوتني الحلويات اللي فيها
عيد سعيد



askurself
طالما مولود جديد يبقى لازم نقولك حلقاتك برجالاتك وعالم التدوين زاد شمعة
واشكرك على الكلام الرقيق وانا متفق في كل كلامك صحيح الفضفضة نعمة كبيرة جداً بجانب نعمة البكاء الإتنين دول ممكن يكون بالظبط مضاد حيوي ضد أي مرض
بس الفضفضة مش لأي حد
والبكاء عمره ماكان حاجه ننكسف منها أو عيب انها طبيعة فينا على السواء رجل وإمرأة وبتغسل فينا هموم كتير كتيروعلى فكرة حلو الكلام ده ممكن تاخدي منه خيط ويتنسج منه بوست قيم
الحقيقة واللهي سعيد بالتعارف الجميل ده كل عام وانتم بخير جميعاً


Searcher
الحقيقة ربنا أنعم عليا اليومين دول بناس حلوين كده زيكم ومنورين واللهي المدونة
وردا على تعليقك ممكن اقول ده المعنى في بطن الشاعر لكن القصيدة كانت مليانه حاجات كتير شلتها عشان كفتها ماتميلش لناحية دون الأخرى وفضلتها هكذا كل يراها بمنظوره النفسي
وانا طبعا عارف بعد ما اطلعت على مدونتك تيقنت انك عندك حق كان لازم تقول الكلام ده
وبعوده الأيام وعيد سعيد



Carol
غبتي علينا..وماتعودناش
غبتي علينا..ولا قدرناش
لعل المانع خير المهم تكوني بخير وكل شئ على مايرام الواحد بس بيعز عليه لما حد يقطع بيه على رأي ولاد البلد
ويفضل يقول ياترى يا هل ترى
لكن الحمدلله وعوده حميدة ان شاء الله تفرحينا دايماً كده واحنا حوالين أشعارك الأنيقة
عيد سعيد


عاليا حليم
واللهي بعتبرك مكسب كبير في عالم التدوين ومكسب لمدونتي باسمك
لكن خليني على السريع كده اخد أخر حاجه في تعليقك بخصوص ماذكرتية
( بلاش النظر للمراة ينحصر فى النقطة دى )
بالامانه كده من في بنات حواء لاتتمنى مقاييس البودي الجميل ومن من بنات حواء تكره ان يعشق فيها حبيبها أو زوجها ..جسدها خبريني من في بنات حواء تقف أمام المرايا لتنظر عما في قلبها أو في أعماقها سواءعارية أو ترتدي شيئا ما
بل وانتي تعرفين أكثر مني ان البنت أو المرأة تنظر إلى الأخرى أكثر مما ينظر اليها الرجل بل وتتفحصها بعناية شديدة ومن جميع الزوايا

هذا ما يخص المرأة أو البنت
لكن بالنسبة لمعشر الرجال كما سبق وأن أوضحت ماالمانع أن يحب ويعشق الرجل جسد حبيبته أوأمرأته
هل هذا الجسد الذي يعشقة لأحد أخر أليس لها هي اليس هذا الجسد جزء منها وتابع لها اليس هذا الجسد جزء مهم جداً من أنوثتها وخلي بالك أقول جزء وليس كل
من من من بنات حواء ترضى لنفسها أن تقع في حب رجل لا يعشق فيها هذا الجمال التكويني الجميل فلكل منهن تكوينها الجميل ولكل تكوين عاشق وليس غرام الرجل بإمرآته لتوافر مقاييس الجمال فيها فجسم المرأة على العموم تكوين جميل..جميل..جميل
وعيد جميل جميل جميل



مروة الزارع
انا عارف والهي انه مش حقد بس الأمر ما يسلمس الواحد برضة ضروري يبخر المدونة
انا خايف بس اتحسد من كتر الكلام اللذيذ ده
تسلميلي..
كل سنة وانتي طيبة

عاليا حليم said...

يعنى فيه حاجات تانية اهم يا ابو على ما الراقصات طتير و شبيهات نانسى عجرم كتير الجسد الجميل بالكوم لكن الروح الجميلة نادرا لما تلاقيها

و اه فيه من بنات حوا الى تحب حبيبها يحب فيها شخصيتها و حبها ليه اكتر من شكلها و مواصفتها الجسدية انا منهم و فيه غيرى صدقنى


و جيت اجبر بخاطرك باه و أقولك متشكرة انك اول واحد من البلوجر يعيد عليا

ها ... مبسوط ؟

askurself said...

merci ya fandem gedn 3la thne2k beya w kol sana w kol 2lmdwnen tayben w kol sana w 3d d7ya mbark 3lekom gme3n

اجندا حمرا said...

عزيزي حسن

قصيده جريئه اوي ياحسن و جميله جدا
عجبتني الصراحه
بحييك عليها و علي كل كلمه كتبتها فيها

حبيت اقولك كمان عيد سعيد ليك و لكل اسرتك و مرسي علي معايدتك الرقيقه و ربنا يديم المحبه

princess dodo said...

عيد سعيد
كل سنة وانت طيب

محمد ياسر said...

قصيدة جميلة جدا و وجهات النظر على مصر ولا الحبيبة هى تتشاف بكل منظور حسب رؤية كل واحد و ده جمال فيها برضه
كل سنة وانت طيب

تحياتى

عمر بوك ستورز said...

((لا مـؤاخـذة ))

فاصـل إعلاني :)

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة


وعيد أضحى ...كويس :)

عمر بوك ستورز said...

أستاذ حسن ، أعتذر بشـدة عن التأخر في الرد ، ويسعدني تشريفـك كتاب التجليات للغياطاني ليس متوفرًا لدينـا الآن، لكن أعدك أن نحضـره فورًا، وبسعرٍ أقل، ولا شـك

دمت صديقًا

osama said...

وتبقى للخاتمة مذاق يدهشنا...
فاغنم من الحاضر لذاته فليس من طبع الليالي الأمان...

وصفت ثورة المحب الذي ظفر بمحبوبته فخشي ان تفلت اللحظة من يديه...


دمت بكل ود..
خالص تحياتي

سهــى زكــى said...

حسن بك أرابيسك ، تفاصيل غاية فى الدقة والوعى وحقيقية اوى ، مشاعر بجد هى كدا ، بتكون كدا واللغة عاجبانى اوى اوى ، كل سنة وانت طيب يا ابو على عيد سعيد وكريسماس مجيد

Anonymous said...
This comment has been removed by a blog administrator.
Anonymous said...

فلاش جميل جداً لحالة من العشق
واللوحة جميلة ومعبرة
نتمنى المزيد من هذا الصدق الذي لا يخجل من عشقه

مروة الزارع said...

اية ياعم حسن

كل يوم ادخل ادور مش بلاقى بوست جديد

انا مستنية بوست جدي

يالا بقى

يا مراكبي said...

أنا بقى لا هأقولك إن دي جرأة ولا هأقولك إن قصدك مكان مش إمرأة ولا حاجة من دي خالص

عندي سؤال واحد وتجاوبني بصراحة

هي دي اللي كانت في بوست اللوحة الأخيرة؟

MKSARAT SAYED SAAD said...

عزيزي الجميل حسن صاحب الارابسك
كل سنة وانت طيب الاول
المرأه التي تستحق هذا الاحساس لابد وانها انفردت بشئ مختلف عن باقي النساء تمتعت بصفات الملائكة جائز رزقت بأحساس رجل يدركا وهي في مهدها جائز
اي رقي هذا الذي تملك كلماتك فجعلك تنذر النساء بان للرجل مملكة خاصة لو سمح للأنثي بدخولها لأدركت كل معانى انوثتها
تجعلها مدينة تفرد عليها قبلاتك وكأنها ورود رجولية صلدة لكنها حانية تجعلها تذوب في اللحظة ملاين المرات
حقا ابهرتنى واعجبتني كلمات
فانت اليوم اكثر من رائع
تحياتي
اليك من صاحب المكسرات

السيد شبل said...

عزيزى حسن ارابيسك ... كل عام وانت بخير وتمنياتى بعام جديد سعيد ... واتمنى ان نقرأ لك شىء جديد

اجندا حمرا said...

بقالك فتره مش بتكتب ياحسن
يارب تكون بخير

طمنا عليك طيب
سنه سعيده ليك و لكل اسرتك ياجميل

حسن ارابيسك said...

عاليا حليم
طبعا معاكي في كل كلمة بتقوليها وانا سبق ونوهت بذلك
ومتشكر على جبران الخاطر


askurself
لا مرسيه على واجب ده حقك
ومتشكر على تهنئتك كل ذوق وواجب


اجندا حمرا
مش عارف برضه حكايه الجراءة دي ايه
عموما وجهة نظر
والف شكر على تهنئتك الرقيقة


princess dodo
وانتي طيبة وبخير والف عافية ومتشكر على زيارتك الكريمة


محمد ياسر
منورني بزيارتك يا أبوحميد مانستغناش عنك على طول
وعندك حق في تعليقك على القصيدة
مانتحرمش منك ياأبو الذوق كله


عمر بوك ستورز
مفيش داعي للأسف دي بتبقى مجرد فضفضة
ربنا يوفقك لما فيه الخير والنجاح


osama
سعيد بالطبع بزيارتك المميزة
وتعليقك لم يخرج عن ابداعاتك وأدبك الراقي..نورتني بجد


سهــى زكــى
ماتحرمش من زيارتك يا سهى هانم
عشان تبطلي جملة ارابيسك بك ليس مكانها هنا ولا هناك
وبدات أشعر بتعليقك من فترة فيها جبران خاطر كبير قوي
وبخصوص اللغة اللي عجباكي اتعلمتها في شنغهاي اوكاوا
زيارتك بتسعدني سلميلي على نهنوه


Anonymous
شكرا لذوقك وكررها تاني


مروة الزارع
ملكة السلطة كلها
ماتحرمش من سؤالك المتكرر وان شاء الله قريبا تجدي ما لذ وطاب


يا مراكبي
وحشنا ياباشمهنس
وكويس انت ريحت دماغك
ووجعتها من ناحية تانية بسؤالك الخبيث
ايه ياعم انت بتنخور ورايا ولا ايه
لكن هاريحك وردا على سؤالك لا ليست هي تلك كانت مجرد موديل وتوهمت شيئاً ليس بحقيقة كالمريضة حينما تتعلق أحيانا بالدكتور المعالج لها فكتبت وقتها البوست حينما وضعت نفسي مكانها بدون اي انحياز لي وكتبت البوست واعطيت لها تبرير ما فعلت ..بس.. بس عاجبني دماغك الصاحية وربطك للمواضيع
لك مني كل تحية واحترام


MKSARAT SAYED SAAD
عجبني تعليقك قوي ولن ازيد عليه وهو يستاهل بوست لوحده لينشر به تحليل جميل وعميق..ومتشكر جداً على اطراءك الجميل.. ومستنيين مكسراتك


السيد شبل
اذيك يادكتور
اسعدني تواجدك ولي الشرف بتعليقك وانت صاحب قلم يعرف عن يقين ما يكتبه ويدونه وشكرا على اهتمامك بالجديد

اجندا حمرا
ماتحرمش من سؤالك وحنيتك الرقيقة
وان شاء الله قريبا جدا الموضوع جاهز بس انشغالي بأعمال كثيرة لدي هو السبب فبحاول أخطف اي وقت لدي لنشر البوست..مرسي أويييييي

MiraMar said...

حسن باشا أرابيسك
كل سنه وانت طيب بأثر رجعي
:))))
متشكره ليك اوي انك كنت أول واحد تعيد عليه في غيابي
ربنا يكرمك
سلااااااام يا فنان

teba said...

حسن ارابيسك
كل سنة و انت طيب...اتمنى ليك عام مختلف

Carol said...

كل سنة و أنت طيب :)

اجندا حمرا said...

عام سعيد حسن و كل سنه و انت طيب ياجميل

و كل سنه و انت بينا و بتسعدنا بكتاباتك الرائعه المميزه

حسن ارابيسك said...

MiraMar
وانتي طيبة وبخير
والحمد لله على رجوعك بالسلامة
ومستنيين حاجاتك الحلوة


teba
عام سعيد عليكي
تحققي فيه كل اللي بتتمنيه يارب وماتحرمناش من زياراتك الكريمة


Carol
اديبة الشباب
اخيراً طمنتينا عليكي قلقتينا كتير
وانتي طيبه وبخير وعام سعيد عليكي نشوف فيه ان شاء الله ديوان ينور سما المدونات


اجندا حمرا
قمر المدونات
وانتي طيبة ويارب نشوفك العام كله منوره مدونتك ومنورانا معاها وتحققي أمانيكي مع كل حاجه بتحبيها

mostafarayan said...

طبعا ياحسن موافق علي كل كلامك احلي حاجة في الدنيا قبلة الحبيب وكل مكان في االجسد له نكهته الخاصة اخي في كثير
من الأحيان تعبر لغة الجسد افضل كثيرا من لغة العيون
تحياتي لك

mostafarayan said...
This comment has been removed by the author.
حسن ارابيسك said...

mostafarayan
امتناني لك على متابعتك وبحثك في المدونة لكل ما هو جدير بإهتمامك
وبمناسبة لغة الجسد فهي لغة للسف كثيرون من هم يقللون من شأنها
تحياتي لك وأتمنى أن ينال إعجابم المزيد من بوستات المدونة