Saturday, September 10, 2011
وأه ياقلبي أه
فاكر أيوه فاكر
فاكر ومش ناسي
فاكر لما كنا صغار
نجري ونلعب
جنب الساقية
وجنب الدار
كان وقتها قليل جسمنا
لما نضحك
ميستحملش ضحكنا
يتهز ويميل زي الشواشي
لما يطبطب عليها الهوا جوه الغيطان
كان وقتها رهيف قلبنا
لما نفرح
يطير بينا فرحنا
زي طيارة ورق
طايرة في الهوا من غير خيطان
كانت بسيطة أحلامنا
لما نحلم
نرسم بإيدينا أحلامنا
شوية شخبطة على الورق
وعريس وعروسة على الحيطان
وبقينا نكبر ونكبر
وشجرة حبنا تكبر
والعشق صبح جوانا
نهر ميته بتجري وبتكتر
وبقينا ساقية تدور
تروي الأرض البور
وبقينا لبعض
سقف وضليلة
وبيت وعيلة
ومسند وحيطة وسور
وبقينا لبعض
فرشة وغطا
وحضن ودفا
وعِشرة ووفا
وجوز حمام
عايشين في سلام
لما الليل يحل علينا
على كتف بعض بنميل وبنام
وأه ياقلبي أه
لما الزمان سن سكينه وسُنته
وكشر عن أنيابه
وراحت من على وشه ضحكته
وغصب عنها وعني
مد إيده وخدها مني
كان ليه يسبني ليه
ما أخدني معاها ليه
وازاي أعيش تاني
وأنا بقيت وحداني
ولمين أعيش تاني
والدنيا ماتحلالي
أرض بور مهجورة
ونخلة محنية منحورة
وساقية واقفة معطوبة
ودار متفتته فيها كل طوبة
ولمبة مطفية ومعصوبة
وطير جناحاته مكسورة
وقلب أهاته مقهورة
دقاته صبحت أه
وأه ياقلبي أه
وميت مليون أه
لا توفي ولا تكفي .. حزني
على القمرة اللي كانت في السما
منورة و مرفوعة
صبحت اليوم تراب
وفي تراب الأرض مدفونة
حسن أرابيسك
19 دورك في الفضفضة:
ليه عملت فيا كده
بعد ما القصيدة ابتدت فرحانه ومزأططة وكلها فرح وحب وسلام مرة واحدة الفرحة اتسرقت وكل الصور الحلوة اتقلبت
:((
وجعتني
وآه يا قلبي أنا كمان
اللي انت كاتبُه ده هو قصة حياة كُل واحد فينا .. أيام جميلة ناعمة في الماضي .. وبعد كده بتروح الحياة الحالمة دي في زحمة الحقيقة والواقع والحياة العملية .. وكل اللي بعد كده بقى جماد في جماد
آه يا قلبي تاني
حسن بك ارابيسك
السلام عليكم
تحياتى
اولا كل عام وانت بخير ويعيد الله عليك العيد بالخير واليمن والبركات
ذكريـــــــــــــــــــــات
كلما مر العمر يصبح الماضى ذكريات
نعيش فيها ولكن لانستطيع ان نعود اليها
هذه فشكول الجديده بعد ان ضاعت فشكول القديمه وغرقت فى الفحر من ايام الثوره
تحياتى
مساؤك هنا وسعاده ارابيسك
راق لى ما قدمت رائعه هى كلماتك معبرة راقية المعانى
تقبل مرورى واعجابى بقلمك ومدونتك الراقية
احترامى ومودتى اخى
مساء الخير :) ازيك؟؟ فينك من زماااان :)
كنت داخلة أقولك عايزين ننشط المدونيين ثاني و يرجع البلوج زى الأول !!
بس لقيت
آه يا قلبي اه
وحشتني كتاباتك فعلا :))
حسن باشا :)
شكرا لزيارتك في مدونتي المتواضعة
و كل تعليقاتك القيمة
سعدت جدا بكل كلمة و كأنك قدمت لي هدية :)
طبعا شكرا على نصيحتك الغالية التي سوف أعمل بها كي أتواصل أكثر مع المدونين
هو أنت اللي راسم الصورة دي؟؟
لو انت فعلا هي أكثر من رائعة
فكرتني بصورة
"the kiss" beta3et gustavo klimt
زياره اولى بس اكيد مش اخيره
سمعت عنك كتييييييير وغريب اللي هقوله بس هقوله
كلامك هناك ف مدونتي زي حضن دافي في ليله بارده .... طبطب عليا وبعث حياة شمعه بتعافر علشان تنور وما تختفي
اشكرك جدااااا على زيارتك وكل حرف ف كلامك
واشكرك تاني اني جيت هنا ومش وقت احكم على كلامك لاني لو حكمت هيكون من اللي سمعته
انما انا دلوقتي دوقته في قصيدتك دي
احساس جميل ناعم مش مزيف فرحيني وسرحت وياه وفجأه خطفني ومن اعلى سما حدفني بدون مقدمات إلا انها لعبة الحياه وساقيه لازم ندورها وندوق عسلها وبصلها
ونشكي ونضحك ونبكي وننسى
عجبتني اووووي الحته دي
***********
وازاي أعيش تاني
وأنا بقيت وحداني
ولمين أعيش تاني
والدنيا ماتحلالي
أرض بور ومهجورة
ونخلة محنية ومنحورة
وساقية واقفة ومعطوبة
ودار متفتته فيها كل طوبة
ولمبة مطفية ومعصوبة
وطير جناحاته مكسورة
وقلب أهاته مقهورة
دقاته صبحت أه
وأه ياقلبي أه
*************
بس مش دي النهايه الغضن لو مال من الريح يرجع تاني ويقف بشكل صريح
كانت بسيطة أحلامنا
لما نحلم
نرسم بإيدينا أحلامنا
شوية شخبطة على الورق
وعريس وعروسة على الحيطان
ونبارك لنفسنا
؛؛
؛
صباحك غاردينيا ارابيسك
لله درك ماأروع حرفك وماأصدق نبضاته إستوقفني هذا الجزء ولمسني حد البكاء ماأجمل أحلامنا وماأصدقها "
؛؛
؛
دمت بروعه
لروحك عبق الغاردينيا
كانت هنا
reemaas
اهلا حسن
كل عام و انت بخير
اتمني لك كل الخير
سلم احساسك الدافئ ..أطربتني ياصاحبي
طاب قلمك ..وطاب إحساسك ..تشرفت بزيارة مدونتك الكريمة ..قصيدة رائعة تتغنى من غير لحن..
حسن ازيك ... انا عارفة انى مقصرة فى حق المدونة اللى انا بعشق حروفها و لوحاتها .. اعذرنى .. ظروفى ملخبطة شوية ان شاء الله هدخل تانى و اخد راحتى فى القراءة بس مش الايام دى .. تحياتى لك ولحروفك
مقدمة جميلة لنهاية حزينة وغير متوقعة
سلم قلمك وفكرك
لا أدري هل الوقت هو من يقتل المشاعر الدافئة أم إهمال النصف الآخر من يلونها بتلك الصبغة الصفراء اللعينة لتتهالك وتتمزق
ولا تبدو سوى نسمات لما كنا وكان
من العشق
تتهاوى على شرفة الذكريات بين سيل من الدمع الملتهب والأنفاس الباردة التي ما
زالت تبحث فيها عن دفء علها تحتسيه
حرفك دوماً يعرف طريقه للقلوب سكناً لا ينتهي
و ريشتك تنسج من الحس ما يجعلنا نرحل فيها بلا عوده
دمت بروعتك أستاذي
بأعتذر لنفسي على كل الاوقات التي مرت دون التواصل بجميل حرفك
ولكنه عطل المدونة الذي لا ينتهي
والذي حال بيني وبين كتابة التعليقات لكني بالجوار
أوحشتني كثيراً وقلمك الرقيق
وينكي
صديقتي العزيزة
أنا مبكتبش القصيدة، القصيدة هي اللي بتكتب نفسها
متحرمش من إطلالتك
تحياتي
يامراكبي
حبيبي اباشمهندس
عندك الحق بالنسبة لزحمة الحياة والحياة العملية والسفر ونقابل ناس ونفارق ناس..الخ
أشكرك على إطلالتك
عمنا فشكوول
صحيح لكن مشكلة الذكريات دي فعلا لما بتعيش فيها حتى ولو كانت حلوة تتساوى كلها في النهاية حلوة ووحشة
أشكرك ياراجل ياطيب على مشاركتك
تحياتي
بسمة الورد
أشكر لكي مجاملتك وتشجيعك الراقي ولقد تشرفت مدونتي بكي
تقبلي تحياتي
كارول
صديقتي العزيزة جدا فأنتي صديقة لمدونتي فترة طويلة من الزمن، صحيح أفتقدتك أنا ومدونتي فترة ولكن أدعو الله الآتكرري أو تطيلي غيابك مرة أخرى وإن شاء الله ننشط المدونين حبايبنا زي الأول بس دي مشكلة الأيام دايما بتفرق وتقابلك مع ناس جديدة مفيش شيئ بيفضل على حالة لكن واللهي سعيد بعودة كاتبة متميزة زيك هنا بيننا في عالم التيدوين ، وهي بالفعل لوحة على غرار لوحات جوستافو
تحياتي
زمردة
أشكرك على ذوقك الجميل ثم أنتي عزيزتي مدونة رائعة وأشهر من نار على علم وأقرأ لكي من زمان بس مش عارف سمعتي عني من مين أنا مجرد مدون غلبان جدا
ثم أشكرك على إعجابك بالقصيدة
وأتمنى دوام التواصل بيننا
تحياتي
ريماس
أشكرك من كل قلبي على رقتك فكلماتك هنا بمثابة باقات من الورد وأتمنى دوام التواصل فأنتي مدونة وكاتبة لها كل التقدير والاحترام لما تكتبه ونستمتع به
تحياتي
ذو النون المصري
صديقي العزيز ومتذوق باقات مختلفة من الفنون التشكيلية وتشجيعك المستمر لنا ولكل ما هو جميل حمداالله على سلامتك ونتمنى لك اقامة طيبة
تحياتي
حــواء
الرائعة والحالمة ولايهمط يكفينا فقط أن نطمئن عليكي بوجودك الدائم هنا معنا في عالم التدوين وأتمنى أن أقرأ لكي الجديد فأنتي أصبحتي كسولة جداً
تحياتي
موسى السوري
وأخي في العروبة هو شرف لتوجدك هنا معنا والحقيقة أنت صاحب قلم مميز جدا ود حقيقة اقولها بكل صراحة ودون مجاملة وأتمنى لك ولسوريا كل الخير والعزة والنصر ان شاء الله قريباً
تحياتي
كريمة سندي
سيدتي الجميلة الكلمات والإحساس
سيدتي أنتي صاحبة قلم ذهبي كل مايدونه لنا على صفحات التدوين هو شيئ قيم وجميل في عالم الأدب وهذ حقك ولابد ان نعترف به فأنا أستمتع بكل كتاباتك ومازلت أقرأ لكي كل مافاتني
تحياتي
هنـــا
وردة وريحانة المدونات
دائماً وأبدا أقف عاجزاً أمام كلماتك الرقيقة وتعليقاتك الحالمة ولكن لن أندهش طويلاً فأنتي كاتبة وانسانة صاحبة حس مرهف ومشاعر جميلة
تحياتي
تحياتي لكل أصدقائي الأعزاء من ساهم وشاركني هنا قراءة وتعليق على عمل متواضع وأدخل البهجة لقلبي
كما أشكر أيضا كل من دخل مدونتي وقرأ وبخل بالمشاركة الفعالة بالسلب أو بالإيجاب وأتمنى من لم يشارك منهم أن أراه قريبا منور مدونتي المتواضعة ويقيم ما أكتب فكتاباتي لا أعرف لها قيمة الا بمشاركتكم جميعا
تحياتي للجميع
كعادتك دائما تكتب حياة أناس لم تلقاهم من قبل
"فهنا أشعر بأنى سافرت"
engy
أشكرك صديقة تدوينات أرابيسك
وبما أنكس تسافرينمع تدويناتي فتدويناتي تتمنى لكي السلامة في العودة
تحياتي
حسن أرابيسك
وانا اللي بالامر المحال اغتوي شفت القمر نطيت لفوق في الهوا طلته ما طلته وايه انا يهمني مدام بالنشوة قلبي ارتوي
رباعيات جاهين
المتعة في الرحلة مش في نهايتها
سمراء
سمراء
أشكرك على تواصلك وإهتمامك بقراءة ما فاتكِ من تدوينات سابقة
فكل الحب والتحية والاحترام لشخصك الجميل على هذا التعليق الرائع والجميل
تحياتي
Post a Comment