.

.

Wednesday, February 17, 2010

كل الحاجات الحلوه من حياتنا بتختفي وتروح

حاجــات جمـاد وســاكنة وحاجــات فيها روح

ســاعات نشـوفها خيــال وســاعات بوضـوح

وقلوبـــنا ســاكنه أماكــن وأماكـن ليها تروح

والوجــع جواهــا ســاكن يئــن ليلاتــي ينوح

يا قلوبنــا كفايــة وجــع مكتوب لـنا في اللوح


إن كـنـا هنــا النهــارده بــكره ليــهم هانروح

حسن أرابيسك

46 دورك في الفضفضة:

Cute Kitty **sookra said...

موش ممكن تصدق
كنت على بالى من دقيقتين وجايه اقفل المدونه لقيت البوست فى الريدر قلت اجى ارمى السلام

Cute Kitty **sookra said...

كفايه وجع الله يكرمك
انا ناويه ادى الوجع بالشلوت وابعد عنه شويتين تلاته عشان اليوم اتمتت 28 عاما من لاشىء على الاطلاق ولم احقق ولااى من احلامى

قهوة بالفانيليا - شيماء علي said...

كلنا هنروح ..
بس مافيش داعي للاستعجال لو احنا مش مستعدين

hana said...

لييييه الحزن اللي ساكن جوا الكلماات ده
بجد إحساسهــا بيوجع الإحسآآآآآس

يارب بعيد عن الحزن دايمــاً يا فنآآآآن

يا مراكبي said...

سبحان الله

أنا كنت لسه بأقرأ البوست اللي فات على طول وأول ما خلصته لقيت الريدر بيقول ان فيه بوست تاني جديد .. قريته على طول وحسيت انه هو نفسه امتداد للبوست اللي فات رغم تباعد الفترة الزمنية بين تاريخ نشرهم

الأبيات هنا بتعبير عن القصة اللي فاتت بالظبط

القصة .. للمرة الرابعة بأقولها .. بيغلب عليها طابع الإسترسال المستمر .. وفي نفس الوقت من غير ملل .. بالعكس .. استرسال متتالي فيه تشويق

القصة كان فيها جزء تحضيري وفيه حلم

والجزء الوسطاني فيه معايشه للحلم بجد وكأنه واقع .. احنا كقراء ما عرفناش انه حلم الا لما وصلنا للجزء التالت

والجزء التالت بتاع الصدمة .. زيارة القبر

كان نفسي قوي ما يطلعش حلم .. كان نفسي قوي تكون حقيقة .. يمكن عشان الواحد نفسيا زهق من قسوة الحقايق الكتيرة اللي محاوطانا

في النهاية .. بجد بأحييك على مقدرة السرد العالية دي .. شيء مميز جدا من غير مجاملة

reem said...

ازيك يا استاذ حسن

انت فين من زمان ؟

الله على كلامك

تعرف انى كنت بجد لسا بفكر في الحاجات اللى بتروح مننا

وكنت مفتقدة اوى حاجات راحت

وارواح راحت كمان

وعندك حق تماما

كلنا هانروح

عصـــــــــــام الــــديــن said...

الله الله ياسيدى
باين عليك ياصاحبى ناوى تفكرنا ديما بالموت
انا مع عمى المراكبى فى ان القصيده امتداد للقصه حاول تفتكرنى
ونفس الجو المشحون بلوعات الفراق
حاله انسانيه جميله
صدقنى ياصاحبى كلماتك جميله جدا جدا جدا
وقمة الابداع ان تختصر روايات وحكايات طوال فى بضع ابيات من الشعر الرائع الرصين

كلماتك تقطر دمع
يارب ديما تمتعنا بابداعاتك
تحياتى

Tamer Nabil said...

كلامك جميل ياابوحسن

تسلم علية

وبكرة ليهم هنروح

ربنا يوفقك ويكرمك

مع خالص تحياتى

سمير مصباح said...

ايه عم حسن ده
كل يوم موهبة جديدة بنكتشفها
ابه يا عم انت مش هتسبلنا حاجة نكتبها ولا ايه؟
وحشتنى يا بو على

سمراء said...

وهناك هيتجمع كل الاحباب
ويسكت الانين

الناس بتستغرب لما بقول ان الموت جميل مش لاني مبحبش الحياة لكن لان الحياة اللي بعدة مبتنتهيش ومبنفقدش فيها حد

سمراء

سهــى زكــى said...

انت فين يا حسن باشا
براحتك
زعلانة منك
ولا كأننا كان فى بينا تدوينات وتعليقات وريشة والوان وحركات
براحتك يا حسن باشا
لك حق طبعا ما المبدعين الجامدين لما بيطيروا فى السما بيتلهوا فى الجناحات

SAYED SAAD said...

الصديق الجميل حسن

مش عارف ليه حاسس بحزن مستخبي وراكلماتك، رقيقة وحزينة جميله وتحتفظ بين سطورها بخجل جميل اعجبني
(ســاعات نشـوفها خيــال وســاعات بوضـوح)
سطور قليلة كنت اتمنى ان تكون اكثر من ذلك بكثير
دومت مبدع
سيد سعد

waleed said...

ليه دايما في مسحة حزن

بتحاول تدرايها ورا قلمك ؟

لو تحب متجوبش عادي مش هزعل


وليد

Haytham Alsayes said...

السلام عليكم الحقيقة اول مرة ادخل المدونة وانشاء الله مش اخر مرة وعجبني الل كتبته
تقبل مرورى وارجو زيارتي
في مدونتي
المتواضعة

☼♫♪ عمــاد الدين يــوسف ☼♫♪ said...

عزيزي الفيض : ارابيسك
تجري علينا سنن الدنيا ، وتدركنا اقدارنا ، ولا يوجد في اعتقادي اصعب على النفس من فراق من تحب .. لذا انعم علينا ربنا بنعمة النسيان التي نسبنا لمسماها ، ولان النسيان يصعب علينا في حالات كالفراق ، فإن التناسي والانخراط في المشاغل قد يلهي قلوبنا لوقت ما عن ذكراها ، اعلم وادرك مصاب كل مفارق لحبيب او لقريب ، كيف لا وهو ذات الكأس التي نتجرعها جميعنا .. ولكن الذكرى كما تنفع ... قد تقتل في احيان كثيرة .

تحياتي للعزيز صاحب العود الأحمد

سهــى زكــى said...

تانى مرة عشان البيه
انت فين يا عم حسن
يارب تكون تمام وبيس البيس
نهارك جميل

norahaty said...

يا قلوبنــا كفايــة وجــع
مكتوب لـنا في اللوح
إن كـنـا هنــا النهــارده
بــكره ليــهم هانروح
--------------
الله ياستاذ حسن!
جميـــــــــــلة

norahaty said...

وفى إنــتظار
الجـــزء الثانى
لـ حاول تفتكرنى

hana said...

بونسوااار

فنانا الجميييييل
إزييييك
عامل إيييه

حواء said...
This comment has been removed by the author.
فشكووول said...

يا خبر يا فنان
دا انت مبعبع قوى
ليه دا كله ياراجل
هى الدنيا كدا
اللى يركب لازم ينزل فى محطته
ويسيب اللى راكب دماغه تودى ويجيب
وفى الاخر مانلاقيش حد يرد على اسئلتنا
ولا حد يمسح دمعتنا

وفى الاخر نهرش فى دماغنا ولا كأن فيه حاجه

تحياتى

bastokka طهقانة said...

ما شاء الله
نضج و نمو و بريق
تقدم ملحوظ في هيكل المدونة و محتواها
بالتوفيق
اوروفوار

نـــوارة said...

كلمات رائعة رغم انها موجعة

ربنا يسعدك ويفرح قلبك

دمت بود

Hannoda said...

ياه لما اقراة الكام سطر دول دلوقتي بالذات
جيت ع الجرح

كالعادة كلمات جميلة جدا و معنى عميق جدا

بجد وحشتني مدونتك

حواء said...

فينك يا جميل الفنانين ... وحشنى قلمك وريشتك ... طمنى

حواء said...

حسسسسسسسسسسسسسسسن ... تزيك كل شوية اجى عشان اسمع صوتك واطمن عليك الاقيك ساكت خااااالص ... مالك ؟؟؟ انت مسافر وللا معتكف الحياة هنا ... والله مش بقتحمك ولا حاجة بس نفسى اطمن عليك اوى .. انا زعلانة عشان مش بترد عليا ... يارب تكون كويس

قلوب بتغنى said...

كلمات رقيقة تعبر وجع صاحبها وارتباطه بالاشياء
تحياتى

حسن ارابيسك said...

من قلبي بشكر كل أحبائي المدونين الذين يتواصلون معي هنا وفي مدوناتهم على المستوى الأدبي والإنساني الجميل ربنا مايحرمنيش منكم جميعاً
حســــــن أرابيســــك



Sookra
كل سنة وانتي طيبة بمناسبة العام ال 28 لكي وإن شاء الله تحققي كل ماتتمنيه وتصبوا إليه نفسك..أمين
تحياتي


قهوة بالفانيليا -شيماء علي
صح كلنا هانروح - موضوعاتك الأخيرة كلها جميلة جداً وقطع فنية أدبية جميلة
تحياتي





Hana
الرقيقة هنا
ربنا يخليكي
وشاكر على دعوتك الصافية حاسسه واللهي
بس هو الحزن بالنسبة للفن نهر للإعمال الدرامية والتراجيديا العالية
ماتحرمش من زياراتك ليا
تحياتي


مراكبي
كبير المراكبية الرائع
من حظي بالطبع أن تقرأ العملين الأخيرين في وقت واحد وبالفعل هما إمتداد لبعض وبالطبع أنا أعرف جيداً فيك أنك لاتحب المجاملة لذلك أثق في كل تعليقاتك
تحياتي


ريــــم
إنتي اللي فين أذيك وعامله أيه
وإدعو الله أن يعوض لكي كل الأشياء التي إفتقدتيها
ماتبقيش تغيبي كده تاني
تحياتي



عصام الدين
الصديق والأديب الرائع الجميل
أشكر بالطبع كل إطراءاتك وأشعر بك كأديب عندما يقرأ عمل أدبي ويتذوقه جيداً فلا يبخس من حقه لأنك فنان وتقدر معنى الأدب الجميل
تحياتي


تامر نبيل
الصديق والمدون صاحب الحكايات والروايات المثيرة والمشوقة
أشكر لك متابعتك لتدويناتي المتواضعة
تحياتي



ســـمير مصبــاح
أمير الشعر الحر دائماً شهادتك وسام لتلك المدونة المتواضعة بس أنت حسستني انك أول مره تقرأ شعر لي اشكرك بالطبع من كل قلبي على تشجيعك
تحياتي



ســــمراء
الجميلة والرائعة في كل تدويناتها الفلسفية من منظور منطقي لايبتعد عن أرض الواقع، صحيح وأتفق معك تماماً في وجهة نظرك
تحياتي لسمراء المحبة


الساحرة الشريرة
والقاصة الرائعة / سهى ذكي
بالطبع هناك أشياء كثيرة بيننا لوحات وتدوينات وعيش تدويني وملح تدويني ،لكن مايحزنني أنني كتبت تدوينات كثيرة والحمد لله الكثير من أصدقاء التدوين أثروا تلك التدوينات قصص قصبرة كانت أو شعر بنقدهم وتقييمهم لذلك كان علي أن أقرأ لهم بتمعن وأمانة وصدق في نقدي لكتاباتهم التي يعتزون بها بها مثلما أعتز بكتاباتي وإعطي لهم من الوقت مثلما إقتطعوا من وقتهم وأعطوني ولكن للأسف لم أقرأ لكي يوما هنا سطراً واحدا منذ زمن بعيد يدل على قرأتك للنص الأدبي وتواصلك الأدبي إراكي فقط إن جئتي إلى هنا تكتفين بالسؤال والسلام وأنتي أديبة رائعة وتعلمين معنى وقيمة هذا التواصل الأدبي من خلال النقد والمشاركةوالحوار الأدبي وأعتقد أن في ذلك وظيفة فعالة ورقم واحد للمدونات الأدبية الفنية وليس مجرد التواصل الإنساني والا كنا إكتفينا ببرامج الشات والدردشة، أنتي قاصة رائعة وتعلمين جيداً أن الأديب عندما ينتهي من عمل أدبي له فإن هذا العمل لم يتم وإذا نشره وألقى به في الأسواق فإنه أيضا لم يتم وإذا قرأه القراء أيضاً لم يتم تعلمين جيداً بالطبع أن العمل لايتم الا من خلال الكتابات النقدية للمتخصصين وغير المتخصصين والندوات وإلخ ،
اللهم إلا أنكي ترين أن ما أقدمه هنا لايرقى لأي شكل من الأشكال الأدبية ومع ذلك أنا لم أنقطع عن مدونتك الرائعة ومتابع جيد لأعمالك فالعمل الأدبي لدي لاذنب له أن أنقطع عنه وهو رقم واحد لدي فأنا أحب أن أقرأ كان له شأن كبير أو صغير لأن أكبر الضرر على نفسي كإنسان يحب الكتابة أن أقرأ لنفسي فقط أو أكتفي بالقراءة للكبار فقط والتفاعل معهم
القاصة والرائعة سهى ذكي لكي مكانة أدبيةجميلة في القلب لاتتزحزح عن عرشها
دمتي بخير
وتحياتي


سيد
متشكر جداً ياعرب وبالنسبه لكون الأبيات قليلة ده كده حلو قوي على قدنا وبعدين كمان عشان مانوجعش قلوب الناس اكتر من كده
تحياتي

حسن ارابيسك said...

وليد
منذ زمن ماشرفتناش وحشتنا جدا
مسحة الحزن دي مش عارف اعمل فيها ايه كتير قوي لما يشوفوني لأول مره برضه يقولوا الكلام ده
تحياتي

Haytham Alsayes
سعيد بتشريفك لي وربنا يديم التواصل بنا.. أمين
تحياتي


عماد
اذيك ياعمده
دائماً ما أجد في تعقيباتك الرائعة تدوينات أخرى تكمل ببهائها التدوينة لدي
وأشكرك على مشاركتك الوجدانية الرائعة وإحساساك الرائع
تحياتي




norahaty
فينك ياست الكل من زمان
والحمد لله ان التدوينة نالت إعجابك
وبالنسة للجزء الثاني من حاول تفتكرني ان شاء الله قريب
بس مش عارف انتي قرأتي الجزء الأول
تحياتي


فشكووول
عمنا فشكول متشكر قوي لمتابعتك الرائعة لتدويناتي المتواضعة كما أنني لاأخفي إعجابي بفلسفتك التي تتخلل كل تعليقاتك الجميلة..ومعك حق
تحياتي


طهقانة
ياااه فينك ياستي من زمن وانتي مابتوديش مدونتي المتواضعة، عموماً أشكر لكي إطراءك الجميل
تحياتي



نواره
سعيد بتشريفك الجميل وهدوء دعائك الغالي على نفسي لما فيه من صدق ومحبه في الله إستشعرها
تحياتي



هنوده
ياااه فينك ياست هنوده من زمان
الود ودي أدبح عجل على باب المدونة عشان تشريفك الجميل ده اللي المدونة محرومه منه من زمان مش عارف ليه ربنا يديم المعروف.. وأنا عارف ان تعليقاتك دائماً في محلها وصادقة
تحياتي


حواء
جميلة الجنة وحوريتها
ياستي مايهمكيش حاجه اقتحمي زي ماأنتي عاوزه، سؤالك الدائم عليا في حد ذاته كناية عن جمال قلبك وإنك بنت بلد طيبة
والحقيقة مشغول بس شوية حتى اني انشغلت عن القصتين اللي كنت بكتبهم
وعارف ان سؤالك الدائم عني كبقية المدونيين لإنتظار الجديد والتواصل الفني الرائع بيننا
وبعدين انا لايمكن أتأخر عليكي في الرد أو على أي مدون جميل مثلك يتواصل بصدق وبحب ربنا مايحرمنيش منك ياست الكل
تحياتي


قلوب بتغني
ياااه فين من زمان واللهي أنت من أصحاب التدوين الذين يملكون مدونات لها معزة في قلبي كبيرة
وتعليقك جميل وصادق
تحياتي


حســــــن أرابيســــك

شاب مصري مفروس said...

عائدا ومتاخرا ومعتذرا
ومستمتعا بروحك وكتاباتك الجميلة
وما اصعب يوم نلقاهم
يومها لا نعلم هل يزول الالم
ام بتعاظم
كل الود والتحية لك يا استاذي

ســـــــهــــــــــر said...

و عجبى
و غالبا بعد الروعه دى هنلم حرفين الشعر الغلبانين بتوعنا و نروح

سمير مصباح said...

ابو على الجميل
يمكن ماعرفتش اعبر عن اللى افصدة
بالطيع لا افصد الشعر واما افصد هذا الشكل الموالى المكثف اللى بختصر الفصيدة فى مجموعة ابيات قليلة العدد وشديدة التكثيف ومهمومة بوجهة النظر الشعبية والى خد منها عمنا صلاح جاهين شكل الموال الاعرج علشان ينسج عليه رباعياته واللى خدت انا منها عدة اشكال اخرى فى قصاقيص واديك يا فنان بتثبت قدرك على الكتابة بهذا الشكل الصعب الذى يحاج الى مجهود كبير

سمير مصباح said...

ابو على الجميل
يمكن ماعرفتش اعبر عن اللى افصدة
بالطيع لا افصد الشعر واما افصد هذا الشكل الموالى المكثف اللى بختصر الفصيدة فى مجموعة ابيات قليلة العدد وشديدة التكثيف ومهمومة بوجهة النظر الشعبية والى خد منها عمنا صلاح جاهين شكل الموال الاعرج علشان ينسج عليه رباعياته واللى خدت انا منها عدة اشكال اخرى فى قصاقيص واديك يا فنان بتثبت قدرك على الكتابة بهذا الشكل الصعب الذى يحاج الى مجهود كبير

hana said...

بونجووووور
وحشتنا
ياأرق وأروع فنان
إزيك

!!! عارفة ... مش عارف ليه said...

ارابيسك
********

جوابك على سؤالي ده

"waleed said...

ليه دايما في مسحة حزن

بتحاول تدرايها ورا قلمك ؟

لو تحب متجوبش عادي مش هزعل"

زادني فضول على فضولي


على أي حال من الأحوال

أتمنى مسحة الحزن دي تزول عن قلمك

وإن كنت للأمانة شايف

إنها بتزيد نصك عبق ورصانة


تحياتي مجددا
وليد

!!! عارفة ... مش عارف ليه said...
This comment has been removed by the author.
hana said...

بونجوووووووور
إزيك يا أرق وأجمل فنااان
واحشني بجد ووحشاني البوستات الجديدة

مش تطول بئا
منتظرين بجد قلمك المرهف الرقييييق

فشكووول said...

فضفض يا حبيبى فضفض .. ما حدش حيحوشك
بقالك شهر ونصف بتفضفض .. يا رترى اخبارك ايه بعد الفضفضه دى كلها

تحياتى

hana said...

هلووووووووو
إزيكت يا فنااااان
هاو آر يوو :)

قيس بن الملووووح said...

نحن في حاجه الي رايكم في رسائل القراء بعد ان دخلت المنطقه الملغومه

Cute Kitty **sookra said...

اين انت يافنان
وحشانى قصصك وكتاباتك
زودت الغيبه اوى

على جنب بقى الكلمتين دول
كنت فى مدونه اسمها بهلوله واكتشفت انها توفاها الله من 3 سنوات واللى اثر فيا انك الوحيد اللى مازلت تدخل هناك وتدعو لها
ربنا يكرمك
ويرحمها

فشكووول said...

ازيك يا ارابيسك

تحياتى

آه ياارابيسك انا رأى من رأيك ويارب اى حد بس ربنا يعينه ويعينا ويعملها .. يا ااااااارب

حسن ارابيسك said...

شاب مصري مفروس
بدون شك سعيد بوجودك ودعائك الجميل أتمنى ألا ينقطه التواصل الجميل بيننا
تحياتي


سهر
صدقيني على قد عدد كلمات تعليقك القليلة إلا أنها واللهي جميلة جداً كأنها ميكرو قصيدة
نورتي المدونة ياسهر


امير الشعر
سمير مصباح
بالطيع أيها الصديق العزيز أفهم مقصدك وأنا أعرف انك خير من يُعبر ليس عن نفسه فقط ولكن عنا أيضاً
ومش عارف اقول ايه على كلامك وتوصيفك الذي يدعم مدونتي المتواضعة
تحياتي


Hana
بنجووور على وردة المدونات الجميلة
انتي لما برضه لما بتغيبي مدونتي توشوشني وتقولي انك وحشاها جداً
تحياتي



عارفه مش عارف ليه
الأخ العزيز/ وليد
أشكرك على تواصلك الفكري والإدبي والإنساني الرائع وإهتمامك بالمعنى وليس بالكلمات فقط
تحياتي


عمنا فشكووول
أجمل حاجه فيك ياعمنا فشكووول هو كلامك اللي على طبيعة ولاد البلد اللي بحبهم بجد بيطلع الكلام بمنتهى البساطة دون تعقيد وزواق
تحياتي



قيس ابن الملوح
نتمنى ان شاء الله نكون عند حسن الظن وتلك الثقة الكبيرة
تحياتي


Sookra
أشكرك على سؤالك الجميل ومودتك
ويارب تكوني موفقة في حياتك الجديدة مع من اختاره قلبك سكناً له
ومدونة الراحلة الأخت هدى عبد المنعم صاحبة مدونة بهلولة وبهلول بالطبع أنا حزين عليها لقد كانت رحمها الله مدونة غير عادية ومثقفة جداً وكان لها الفضل الكبير في دعم مدونتي وكتاباتي فلندعوا لها جميعاً بالرحمة..أمين
تحياتي


عمنا فشكووول
تواصلك انساني جميل
تحياتي

تحياتي للجميع
حسن أرابيسك

!!! عارفة ... مش عارف ليه said...

حمد لله على سلامتك ارابيسك

بتسيب فراغ كبير اووي بغيابك

إن شاء الله نسعد بحاجة جديدة

تكون هتنشرها النهاردة

في إنتظار جديدك دايماً :)

إيهاب رضوان said...

العزيز حسن أرابيسك .. أعترف لم آت هنا هذه المرة معلقا على تدويناتك الجميلة ولكن طلبا لخدمة معينة فى التصميم والرسم فهل ترسل لى إميلك لو تفضلت ؟..
tootmahrook_99@hotmail.com
إيهاب رضوان

Beram ElMasry said...

اخي الفنان الشاعر حسن ارابيسك
صدقني ايها العزيز الغالي اني لااحتاج الي التعليق بقدر احتياجي ان اكون في خاطرك كصديق تشابهي في الكثير من الصفات ولك فيها التميز بالادب الجم والصداقةالصافية فارجو من الله ان يديم لي وعلي هذة المحبة في قلبك وان تجعلني صديقا ولك احترامي
والسلا م ولاسلام مع بني اسرائيل