.

.

رسالة من شهيد

Wednesday, February 16, 2011



تحية لكل شهداء ثورة25 يناير
رسالة من شهيد
قومي يامة ماتبكيش وسمعيني أعلى زغروته
إبنك نال الشهادة ومات أجمل موته

فاكرة يامة
لما قلتيلي بقلبك
وشفايفك وعنيكي
إن ده ندر عليكي
إني لما اتخرج واخد الشهادة
هاتفرقي وسط الحارة شربات بزيادة
وتفرحي بيا وتتباهي بيا وسط أهلي وناسي
وتقولي ابني حبيبي وفى بوعده ليا ورفع راسي
قومي يامة ماتبكيش و سمعيني أعلى زغروته
إبنك نال الشهادة ومات أجمل موته

النهارده يامة
وأنا في قلبك
في قلب ميدانك
وسط كتير من ثوارك
كاشفين صدورنا للنار
واصلين الليل بنهار
لضمين حواليكي سبحة حباتها من شباب مصر الجميل
شباب بيحبك وبيموت فيكي وليكي وده أجمل دليل
قومي ياما ماتبكيش و سمعيني أعلى زغروته
إبنك نال الشهادة ومات أجمل موته


النهاردة يامة
أنا جايلك غير أي يوم
جايلك متشال على كتاف
شباب جرئ مش بيخاف
أوعاكي يامة تقولي إبني ضاع
وإن ده أخر لقا بنا وبعده وداع
ولا دمع الحزن ينزل يجري من عينك لما تشوفيني على حالي كده
خلي دمع الفرح يجري يسبق يقول مفيش مشهد اجمل من كده
قومي يامة ماتبكيش و سمعيني أحلى زغروته
إبنك نال الشهادة ومات أجمل موته

إن لم أغضب الأن.. فمتى أغضب؟

Tuesday, February 1, 2011



إن لم أغضب الأن فمتى أغضب..؟

وطن
جعل من الأنذال والأقزام سادتي
وشرع قانوناً لي فيه موتي وقيامتي
وأذل فيا كبرياء وأحنى لي هامتي
لحاكم نصبه إله وجعل يمته قبلتي

وطن
لم يمهد الطريق لي فتعثرت أنا وبقرتي
وطمع في رزقي في قوت طفلي وطفلتي
فشح الخير من بيتي وأكلَ الصدأ قصعتي
وحرم علي قمحي فتسولت فتات لقمتي

وطن
أظلم لي صباحي وغير طعم قهوتي
غافلني في مسائي وأعتقل ضحكتي
صبغ بلونه الأصفر كذباً صفحات جريدتي
يسمعني مذياعه ما ليس في شرقيتي

وطن
أسكنني أرصفة الطرقات وفوق ضهري حقيبتي
سرق الزيت من قنديلي وأطفأ الأقمار في ليلتي
عبث بتراثي وتكسرت على معاوله قوافي قصيدتي
في قفصه مات عصفوري و بين يديه ذبلت وردتي

وطن
يموت عشقا في رؤية دمعي وسماع أنتي
صنع لي من همي سريري وغطائي ووسادتي
خلط الحنضل برغيفي ولم يكفه من العيش مرارتي
وأفتى جهاله في ديني فتشتت العامة من أمتي

وطن
انتهك حرمة الموتى وتعدى على قبر حبيبتي
وحجته نقل المدافن بعيدا و تجميل مدينتي
يتفنن عسكره في سحقي وتفريق وحدتي
وإنتزاع الأمن من خارطتي ومحو هويتي

وطن
هان عليه أمري فجار على إنسانيتي
وجعل مني مسخ بين الحقيقة وصورتي
عزلني عن عروبتي ومحى لي أبجديتي
وأضاع لي بين الشعوب كرامتي و عزتي

وطن
إن لم أغضب منه الأن فمتى أغضب؟

حسن أرابيسك