.

.

كيف

Wednesday, November 14, 2007


كيف لي أن أمنحكِ جوازسفر للهجرة خارج حدود قلبي
وأن أحُرر لكِ صك العتق والتحرر من عشقي
كيف وأنا لستُ بسلطانك
كما أنكِ لستِ بجاريتي


كيف لي أن أمنحكِ سكناً ووطنا داخل ربوع عيناي
وأن يصبح لكٍ حق الانتفاع بدفئهما
كيف وأنا لستُ لكِ بوطنً
كما أنكِ لاتملُكين حق المواطنة


كيف لي أن أفرض عليكِ إقامة جبرية داخل أفكاري
وأن أرصد كل إنتفاضاتك وارتعاشاتك
كيف وأنا لا أعشق كرسي السلطة
كما أنكِ لستِ بسياسي نزيه


كيف لي أن أقبل توبةً لذنب اقترفتيه في حقي
وأن أقبل شفاعة أحد لكِ عندي
كيف وأنا لستُ بربكِ
كما أنكِ لستِ بأمتي


كيف لي أن أتي إليكِ ليلاً متسللاً متلفتاً متخفياً
وأفترش بنات أفكارك أرضا وأضاجعهن
كيف وأنا لستُ بزاني
كما أنكِ لستِ بعاهرة


كيف لي أن آتي إليكِ ممتطياً صهوة جوادٍ خشبي
وأقتحم حصون مشاعرك بمكر وخدعة
كيف وأنا لستٌ بفارس من ورق
كما أنكِ لستِ بأسوار طروادة


كيف لي أن أدفُن وجهي بين نهديكِ مستسلماً مطمئناً
وأرضع منهما حباً وعسلاً ولبناً
كيف وأنا لا أملك وجهً وشفتين
كما أنكِ لا تملكين ثديً وحلمتين


كيف لي أن أعتكف العمر بين ضلوعك متصوفاً متأملاً
متجنباً فتنة الجسد والفكرة.. مُسبحاً
كيف وأنا لستُ بناسكٍٍ مُتعبدٍ
كما أنتِ لستِ بمحراب مُقدس


كيف لي أن اناديك باسم لايعرفه أحد من العالمين غيرنا ... حبيبتي
وتناديني باسم لايعرفه من رحلوا عن دنيانا ومن أتوا .. حبيبي
كيف وأنا لست بحبيبك
كما أنتِ لست بحبيبتي
حسن أرابيسك

46 دورك في الفضفضة:

اسكندراني اوي said...

اولا حمدا لله على السلامه ايوه كده يا جميل نور عالم التدوين تاني

عوده قويه ما شاء الله

جميله الكلمات قويه وحنينه في نفس الوقت

ما تغبش عنا تاني

تحياااتي

حسن ارابيسك said...

اعتذر على حذف البوست لفترة مؤقتة

كذلك أعتذاري لجميع من دون سابقاً ولكنني احتفظت بتعليقاتهم وها أنا أنسخها لكم تحياتي



MAKSOFA said...
في البدايه حسدت حبيبتك الا أنني تعثرت قليلا في منتصف القصيده ثم أجتاحتني التساؤلات قبل النهايه وبعدها ---- ماذا تقصد بهذا اللغز الذي كتبته لقد حيرتني فعلا يا أرابيسك
وفي النهايه
انت فنان ذو أحساس رائع

حسن أرابيسك
مكسوفة وحشانا من زمان ليه الحيرة دي كلها فالقصيدة في أخر ابياتها أفصحت عن كل شئ ومتشكر على ذوقك الجميل


November 5, 2007 9:40 PM
اسكندراني اوي said...
حمدا لله على السلامه
انت فين من زمان بقالنا كتيييير ما شفناش ابداعاتك
كم هو جميل ما كتبت
يحمل من الاحاسيس الكثير
ويحمل من المعاناه الكثير الكثير
لك كل التحيه وما تغبش علينا

حسن ارابيسك
اسكندراني قوي الله يسلمك ان شاء الله مفيش غيبه ولا حاجه ومتشكرين ياابواسكندر على تحيتك الاسكندرانية

November 5, 2007 10:48 PM
حراس الحقيقة said...
امال انت اايه ؟؟
:D
ايه الغموض ده ؟؟
غالبا انت عايز تقول انك حر ... ملكش مكان تكون فيه ولا التزام تلتزم بيه ؟؟
ايا كان المعنى او المقصود ... الخاطره جميله جدا ما شاء الله

حسن أرابيسك
حراس الحقيقة أنا ياستي زي ما أنتي عارفة حسن ارابيسك من قال لك أني لا أعشق الالتزام أنا احترم الآلتزام في كل شئ وماتحرمش من زيارتك

November 6, 2007 5:03 PM
Carol said...
فهو لا يمتلكني
و أنا لا أمتلكه
لكنه لي و أنا له
نتقابل و نفترق
نتفق و نختلف
لكنه لي و أنا له
يتمتع بالخشونة و الانضباط
و أتمتع بالليونة و الهمجية
لكنه لي و أنا له
تتكسر الحواجز إذا أدرك كل منا حقيقة الآخر
لا أعرف لماذا قفزت تلك الكلمات في رأسي عندما قرأت كلماتك

حسن أرابيسك
كارول ايه الجمال ده اسمعي نصيحتي ونزلي الكلام الجميل ده في بوست خاص لوحده انه أكثر من رائع ماتحرميش المدونين منه


November 6, 2007 5:35 PM
MiraMar said...
أول سؤال خطر على بالي
بعد ما قريتها كذا مره
ان لم تكن كذلك
فمن تكون؟
عجبتني جدا
:)
حمد الله على سلامتك

حسن أرابيسك
ميرامار دائما ذلك الأسم الجميل يذكرني بفيلم من أفلامي المحببه لدي وأرجع أقول أنا حسن ارابيسك متشكر على اعجابك

يا مراكبي said...

إممممم

لأ أنا شايف إنك بتحاول تقول حاجة عكس الحقيقة في آخر القصيدة

أنا شايف إنها حبيبتك وإنت حبيبها

كل ما في الموضوع إنكم عايزين حب مبني على التفاهم مش مبني على الإمتلاك

بس كده

مش صح كده؟

كلبوزة لكن سمباتيك said...

هناك مفردات تكاد تتكرر في كل كتاباتك لا ادري لماذا هل هي سمة لكتاباتك ام انها ختم الجودة و الصلاحية تصر ان تلون به صفحات اعمالك
؟
هل تحب نزار قباني؟ و تحس انك متاثر به؟
مؤشر الموس لا يدع لي فرصة للتركيز
يا تسكت الست دي يا حضربهالك
:))

تحياتي

Unknown said...

سعيد بزيارتى لمدونتك
الشقية وقلمك النزق الجبار
كأنك تسكرنا بكلماتك
وتحرضنا على الغواية الرقيقة
تحياتى

حسن ارابيسك said...

مراكبي
يامنورني دايماً
أنا عارف انك بتحب تكون محضر خير دايما
على موال يابخت من وفق راسين في الحلال
ده علشان انك بتحب الخير للناس
لكن ماقصدته أنا
في طول القصيدة وعرضها
كيف تكون هناك علاقة من أي نوع بين الأثنين
وفي كل حالة من القصيدة ترى استحالة تحقق تلك الحالة بين الأثنين لأن فاقد الشئ لا يعطيه
وضعُف الطالب والمطلوب
ماتحرمش من زيارتك

سمباتيك
سمباتيك قوي
يسعدني كلامك وملاحظاتك القوية
وفعلا لازم يكون في بصمة ليكي أو استايل لإعمالك
وبالنسبه لنزار من لايحب نزار
رغم أني أحب بالأخص الأعمال السياسية الكاملة عبارة عن ثلاثة مجلدات ضخمة اشتريتهم في أول فرصه من سنين عندما زرت لبنان
شكرا لمتابعتك وبالنسبة للست اللي روشاكي اضربيها بالشبشب لو ده هايريحك

أبو أمل
فين ياعم الشعراء
انا من زمان بتابع كل أعمالك واترك لك تعليقات اعجابي الحقيقي بأعمالك الشعرية فقط وعامل لينك لكل مدوناتك عندي لكن انت من فترة هاجر مدوناتك مش عارف ليه وما بتردش على حد وانا اقترحت عليك من قبل توحد أعمالك الشعرية في مدونة واحدة بلاش تشحططنا من مدونة والتانيه والأهم انت واحد من القليلين اللي بيكتبوا حلو جدا بلغة راقية شكرا لحضورك وبلاش الغيبة دي

MAKSOFA said...

ايه يأرابيسك مافيش بوست جديد من الروائع بتاعتك والا أيه ؟؟؟؟

Hannoda said...

شعرتبه حب يتحرر من كل قيوده .. مضحيا في سبيل هذا بكل حقوقه

شعرت انه حب رضى أن يكون مجردا
ولم أفهم لماذا

حقا قوية جدا


مع كل تقديري
:)

مصطفى محمود said...

هى دى من تاليفك؟

جميلة اوى ياابو على

كرانيش said...

عروستى


انا مش فاهمه حاجه؟؟
انت جبت كل الاحتمالات ومسبتليش ولا واحد يعنى خلصت الاختيارا امال انت مين وهى مين وفى ايه مش فاهمه ياترى ده عدم توفيق منى للوصول للنص ولا عدم توفيق منك انت لتوصيل النص للقارىء
مش فاهمه

بالنسبه للست اياها دى
انا كنت واخده عهد على نفى ماعلقش عندك طول ما هى موجوده
وبعد ما مشيت الحمد لله خت راحتى
شكرا ليك

MKSARAT - SAYED SAAD said...

اذا عرفتم طريق الحب من اجل الحب فقط امتلك كل منكم الاخر دون ان يدري
مدونتك فعلا جميلة ووصفك لحالة من المشاعر اعجبتنى فقد تمكنت من الوصف لها بتألق
تحياتى ودمت بكل ود

حسن ارابيسك said...

مكسوفى
اي روائع جديدة والمدونة بتهش وبتنش

Hannoda
اي حب مجرد وهو وهو لم يولد على الإطلاق
كيف تكون هناك علاقة من أي نوع بين الأثنين
وفي كل حالات القصيدة نرى استحالة تحقق تلك الحالات بين الأثنين لأن فاقد الشئ لا يعطيه
وضعُف الطالب والمطلوب
ماتحرمش من زيارتك

مصطفى محمود
درش ستالين
احلف لك ألف يمين

عمر أفندي
شكرا لزيارتك من أجل الإعلان فقط

كرانيش
منوراني
شكرا لتعبك ومجهودك في فهم القصيدة
ومشيها ياست الكل انه عدم توفيق مني في توصيل المعنى للقارئ

مكسرات
شكرا لزيارتك الأولى وشكرا على تعليقك

Mai Mohamed Rizk said...

تدوينة جميلة. :) حمدا لله على سلامتك. في انتظار التدوينة الشبية للؤلؤات حياتي

Yasmine Adel Fouad said...

كتابى الصبح هيبقى فى السوق ان شاء الله هستناك فى حفلة التوقيع التفاصيل عندى فى البلوج http://miss-objection.blogspot.com/

Yasmine Adel Fouad said...

جايه اعزمك ع الحفله

teba said...

مش مهم هى حبيبتك ولا مش حبيبتك
هى كل الحاجات اللى قلتها و ولا حاجة منهم...يعنى هى كل حاجة فيهم
يعنى حبيبتك
مش مهم
المهم انك مختلف و فنان
مبسوطة انى اتعرفت على مدونتك

كلبوزة لكن سمباتيك said...

انا كمان استمتع باشعار نزار و اجد في سطوره ما لا اجده عند اي شاعر اخر


اين الجديد؟
تحياتي

حسن ارابيسك said...

Mai Mohamed Rizk
يامسافر وحدك وفايتني
دائماً يذكرني اسم مدونتك برائعة عبدالوهاب وأحببتها أيضا من نجاة الصغيرة

لقد تزينت مدونتي في الفترة الأخيرة بإسمك
وأحمد الله انكي اختزلتي المجاملة لي في عبارة تدوينة جميلة

وبالنسبة للتدوينة الشبيهه
عيوني لكي
وأنا أيضا في إنتظارها فحينما تأتي سوف تجد باب قريحتي مفتوح على مصراعيه
كل تحياتي وتقديري لكي ياصاحبة التدوينة الجميلة لؤلؤات حياتي


أنا حرة
بالطبع أنا باركت لكي في مدونتك الرائعة
وها أنا يشرفني في مدونتي أن أبارك لكي للمرة الألف من كل قلبي على جوهرة تاجك الجميل


teba
سعدت جداً بزيارتك ولم أدخر جهداً في الولوج إلى رحاب مدونتك الرائعة ولها تأثير رائع على أي مدون من خلال الشكل والمضمون حقيقي استمتعت بشغلك مبروك عليكي وعلينا


Sampateek
عندك حق طبعاً في كل كلمة بالنسبة لنزار
وبالنسبة للجديد ان شاء الله انا صبور شوية عشان ماحرقش التدوينة الأخيرة بسرعة ماتحرمش منك يارب ياست الكل ومن سؤالك

ابو العربى said...

رائع اكثر من رائع لو انى اعرف ماكتب نزار قبانى لقلت انها كلاماته

بجد لك كل التحيه والتقدير

hana said...

وكيف أن أعبر عن هذاالجمال وهذا العمق
وهذة السلاســة
وانا اخشى كلماتى لا تستطيع وصف
روعــة قلمــك وسحر ما يهمس بـــه
لقلمــك مذاق أخــر مختلف
دام قلمــك بهذا السحر للأبد

كل الود
هنااااا

Unknown said...

انا حاسة ان الشاعر مش عايز يحرر حبيبته من قلبه و لا حاجة هو متمسك بيها جدا بس مش موضحلنا ايه الظروف الى مخلياه مضطر يسيبها
كلماتك جميلة و معبرة و احييك على اختيار اعمال الفنان الطحان التى تزين هامش المدونة

حبة حاجات (ايمان) said...

كلمات جميله فعلا

اول مره اجى وشكلها مش الاخيره

تحياتى

Mai Mohamed Rizk said...

مازلت أجد حرجا كبيرا في التعليق على التدوينات سواء التي انشرها أو المنشورة بواسطة مدونين أخرين لذلك تأتي تعليقاتي قليلة و قصيرة. أرجو ألّا يُأخذ هذاعلى نحو سيء. :) أعرف ما تقصد بأنك في انتظار التدوينة حتى تأتي. فكثيرا ما يحدث هذا عندما يكون الموضوع حاضر في الذهن و لكن لم يكتمل بعد. بالتوفيق إن شاء الله

حسن ارابيسك said...

ضد الظلم
فينك من زمان ياراجل انت مقصر في حق نفسك من زمان قبل ما تقصر في حقنا حتى في مدوناتك الجميلة انت نادراً ماتدخل إليها الا وقت أن تلقي إلينا بقصيدة رائعة من روائعك


هنا
متشكر جداً على كل الذوق والرقة التي لديكي يارب أعرف اتحمل كل الكلام الحلو ده وانا سعيد جداً بتواجدك في تلك المدونة التي تستمد استمراريتها منكم يارب اشوفك كده على طول منورة مدونتي


عاليا حليم
الحقيقة انتي كنتي مفاجأة لي في اكتشاف المدونات الرائعة والفريدة في الشكل والمضمون فلم أترك لديكي بوست واحد لم أقرأة وسعدت أكثر بتواجدك وسط هذا أرابيسك هذه المدونة تزينيه وتجمليه بقلمك


حبه حاجات
كان لي الشرف في ضم رابط لمدونتي لانه ببساطه لديكي بساطة جميلة في كل ما تكتبين الفكرة والكلمة ويارب دايما تنورينا كده ببساطتك

حسن ارابيسك said...

Mai Mohamed Rizk

مي
صدقيني انا كنت سعيد فعلا باختزالك كلام المجاملة لأنني فعلا لا أحب الإطالة في المجاملات

وعندك كل الحق فيما ذكرتيه بخصوص التدوينة التي ذكرتها لكي الحقيقة هي موجوده من فترة مجرد درافت لكن لم تنقح بعد يمكن كنت شايلها لوقت معين ومتردد فيها لكن تحفيزك وتشجيعك واهتمامك أعطاني الحافز في مساعدتها على ولادتها طالما هناك من ينتظرها ويسعد لميلادها ولقاءها
كل الشكر من قلبي وأنا في انتظار لؤلؤة جميلة من تدويناتك

حواء said...

جميلة جدا يا حسن وحلوة اوى الوطن وحق المواطنة دى اوى انا عارفة دايما تغيب ولكن بترجع بحاجة جامدة اوى .. عارفة انى اتأخرت عليك بس ظروف ... تحياتى

MiraMar said...

هاااااااااااااااااااااااا
مين هناك
يااااااااااأخ حسن
أنت فين؟
يارب تكون بخير
:)

Doaa Ebrahim Aaql said...

انتِ طفلة غير مسموح لها
بالسفر إلا داخل الحدود الإقليمية
لخريطة قلبى

*******

كلماتك رائعة


تحياتى

MKSARAT - SAYED SAAD said...

العزيز حسن
اول لقاء في انتظارك على صفحات المكسرات يارب يعجبك

دنـيـا محيراني(ايناس لطفي said...

عارف يا حسن اجمل شيء في كلماتك انها دائما تحمل افكار جديده و غير تقليديه عشان كده انت متألق دائما
-------------
شكرا كتير علي سؤالك علي و شد ازري و محاوله خروجي من غربتي الف شكر يا صديق
تحياتي

كراكيب عادل said...

احلي حاجة عملتها انك شيلت البنت الي بتردح دي مع سهم الماوس

علي فكرة انت متمكن جداا من غزل الكلمات مع بعض علشان تطلع في النهاية حاجة تبهر وتشد

بجد هايل يا اربيسك

كاميليا بهاء الدين said...

اشكرك علي زياره مدونتى
وعلى كلماتك الرائعه

انت ايضا لديك كنز
ساضيف رابطه الى مدونتى
لتزيد قيمة وشرف

لك تحياتى

كاميليا

walaa said...

جميله كلملتك ومعبره قوى بس انت جرىء شويه من غير زعل

mohammed elzayat said...

ابو علي دى اول مرة ازور فيها مدونتك وصراحة انا متوقع انى ها ازورك كتير الكلام جميل بس فية حتة صغيرة انت رديت على تعليق سمباتيك في تكرار المفردات وصراحة يا ابو على دا مش استايل فى الكتابة بالذات انت واخد الحكاية موهبة والاستايل في الكتابة دا بييجي من الاسلوب طريقة ترتيب الافكار مش مفردات مكررة ومعالجة المفردات المكررة دي عن طريق كثرة الاطلاع والتزود من الثقافة واحييك مرة اخرى

Anonymous said...

اهلا حسن

كلمات تحمل مضمون جديد و تبان ان اللي بيتكلم عن حبيبته مش مهتم بيها و مش عايزها و لكن الكلمات تحمل بين ثنياتها اهتمام واضح
كلمات تحمل احساس قوي ياحسن بحييك عليها و في انتظار المزيد منك دائما

تحياتي لك و دمت بكل الحب

حسن ارابيسك said...

bocycat
اصلهم وجعوا دماغنا قوي بحكاية حق المواطنة والتوطين والطين وهلم جرا
والمهم اننا اطمنا عليكي الف حمد على سلامتك




MiraMar
انا هنا انا هناك شاوري انتي بس على أي مكان انا طليت عليكي في المدونة ولقيت حاجات حلوة كتير


princess dodo
كلمتين حلوين قوي منك انا بعتبرهم شمعة جميلة من شموعك المضيئة
يارب اشوفك هنا على طول


MKSARAT SAYED SAAD
واللهي أنا أخذت أول تاكسي ورحتلك على طول لقيت حاجات جننتني ويارب جنان حلو كده على طول


دنــــيــــــا مـحـيـرانـي
منورة يا قمر المدونات اوعي القمر ده يغيب تاني بالشكل ده بتوحشينا على طول هو في سما من غير قمر


كراكيب عادل
فارس المدونات.. تعبيرات فارس صحيح وبعدين اعمل ايه اصل انا قاعد على النول طول النهار عمال أغزل وغزل شغل مدونتك الأخير اكثر من رائع


كاميليا
فرحتي فرحتين فرحة تواجدك عانا هنا وفرحة اضافة رابطي لمدونتك الرقيقة
نورتيني بجد بجد بجد


walaa
اسعدتيني بزيارتك
بس مش عارف ايه نوع الجراءة اللي تقصديها .. ياريت تنوريني بمعناها
واتمنى مدوامة الحوار بيننا
والمدونة زادت ورده جميلة


no-chance
زيارة مفاجئة وجميلة ودمها خفيف
بس واللهي انا مش قاري كتاب ولا اتنين
انا كنت بسافر مخصوص اشتري كتب قاااااااد كده وماقصدته أنا بالاستايل مش المقصود به تكرار المفردات
ولكن نوعية انتقاء الكلمات تميز كل كاتب او شاعر غنائي مثلما تميز خطوط كل رسام تشكيلي أو رسام كاريكاتير أعماله فحينما تراها من أول وهلة دون النظر أسفل اللوحة تعرف على الفور من هو الرسام او من هو الكاتب أو الشاعر وهو ما يخص موضوعنا المشار إليه ومع ذلك اسعدني عينك الثاقبة والفاحصة لكل صغيرة وكبيرة اتمنى مواصلة نقدك المميز وزيارتك الكريمة


اجندا حمرا
زيارتك لي لها الكثير من الوقع المبهج على نفسي فأنا أعتز بكل صاحب أوصاحبة قلم يحمل الكثير من الفكر ورقي الكلمة والرقة والموضوعات المتميزة ،فهكذا أنتي دائما متألقة
وعطر شموعك الفواحة في مدونتك وصل لحد عندي وده يكفيني ياشمس شموس المدونات

Anonymous said...

العزيز حسن

اخجلتم تواضعنا يافندم من بعض ماعندكم يعني

انا يشرفني اني اتعرف علي فكر صاحبه بهذا الرقي و الذوق و حقيقي اسعدني التعرف عليك و اعدك بزيارات قادمه انشاءلله

walaa said...

انا اللىتشرفت بزياره حضرتك لمدونتى المتواضعه وزادنى الشرف اكثر لما ضفيت الرابط مدونتى عندك ويارب متكنش اخر زياره لمدونتى بجد تعليقك صحا فيا حاجات كتيييير قوى بجد شكرا لك انا دخلت مدونتك بالصدفه بس كانت صدفه مهمه جدا فى حياتى

اتنمى ان نتواصل دائما

soha zaky said...

ايه يا عم الحلاوة دى بجد انت بتعمل ايه عندك بقى يا عم احنا محتاجين الحاجات دى تطلع للنور

على باب الله said...

أيه البوست الجامد ده ؟

و أيه المدونة الجميلة دي ؟

أنا منبهر بالإتنين جداً

و بأسلوبك الرشيق في الكتابة

--

أتمني لك التوفيق

خجل said...

ولد ف حاجه حلوه اوي

ممكن انا بحس ان ف فرق
كبير بين لمس الجسم
من باب الشهوه
ومن باب حاجات تانيه


امممم
واو

حسن ارابيسك said...

اجندا حمرا
الحق..حق لازم اقول اللي ليا واللي عليا انتي تستحقين ذلك


walaa
ياريت الصدف كلها كده
وأهم حاجه ان مايروحش عليكي نومة
وصحي النوم وان شاء الله التواصل يستمر دون انقطاع وده راجع لهيئة المواصلات والخطوط السلكية واللاسلكية


سهى زكي
على فكرة أنا حافظك كويس
ليه اسلوب المجاملات ده ما بحبوش
ومابيجبش معايا
انتي كاتبه فين النقد الأدبي
بلاش شغل صباح الخير وانتي متشعبطة في الباص كده على الصبحية
لكن لايسعني في الأخر إلا أن أشكرك على مجاملتك


على باب الله
استغمايه

سعدت بأول زيارة
ها انت تنضم لقافلة المجاملين أصحاب الذوق ولم تتطرق لنقد القصيدة لا من قريب ولا من بعيد
يارب نشوفك تاني على خير


خجل
شكرا على التواجد الأول وعقبال التواجد المليون
بس أنا مافهمتش الطلاسم اللي في الأول دي، وبقية الكلام مش عارف عاوز استفاضة وتوضيح الربط بينه وبين القصيدة
نورتي

Unknown said...

اشكرك بجد رد على تعليقى اسعدنى جدا و بعتبر نفسى سعيدة الحظ انك لقيت وقت يخليك تقرا كل بوستاتى
متشكرة جدا بجد و ارجوا بس ان كلامك ده يكون بعيدا عن المجاملة
سلام مؤقت

Yasser Hussein said...

موضوع ملفت ويستحق المتابعة
في انتظار المزيد من الموضوعات القوية
سعيد لاكتشاف مدونتك الفنية
خالص تحياتي

MAKSOFA said...

ايه يا أبو علي الحكايه
مافيش ملهمه جديده اليومين دول والا أيه ؟؟؟؟

حسن ارابيسك said...

عاليا حليم
غمرتني السعادة واللهي حينما وقع نظري على تواجدك الجميل داخل الكومنت
ولكلماتك مذاق مميز وقلمك صادق وجاد
ومدونتك اكثر من رائعة
سامحيني على التأخير في الرد نورتيني ياست الكل


ياسر حسين
سامحني ايضا على التأخير
فانت فنان بحق وتستحق كل تقدير يافنان



مكسوفة
دايما كده منوراني ياست الكل
وايه الغمز واللمز ده.. متخوفنيش
نورتيني